Талас шаарында 5 миң көрүүчүгө ылайыкталган жаңы стадиондун курулушу активдүү жүрүүдө. Бул спорттук иш-чаралар үчүн маанилүү борбор болоору күтүлүүдө.
Министрлик маалыматына ылайык, стадиондун курулушу 75%га аяктаган жана ал өлкөнүн Эгемендүүлүк күнү майрамына чейин пайдаланууга берилмекчи.
Стадиондун курулушун Кыргызстандын курулуш, архитектура жана турак жай-коммуналдык чарба министри Нурдан Орунтаев Талас облусуна болгон жумушчу сапарында текшерди.
Азыркы учурда объектте 300дөн ашык адам иштөөдө. Министр жумуштун сапаты жана ишке ашыруунун мөөнөттөрү боюнча талаптарды күчөтүүнү тапшырды, жумушчу күчүн көбөйтүүнү сунуштады.
Проект боюнча стадиондо батыш жана чыгыш трибуналар, оюнчулар үчүн жайлар, медиа жана VIP аймактар, ошондой эле VAR системасы каралган.
Мындан тышкары, стадиондун жанында футболчулар үчүн жатакана, ашкана жана административдик жайлар курулат.
Стадиондун курулушу 2025-жылдын 9-апрелинде башталган. Өзгөчө майрамга карата курулуш иштерин бүтүрүү пландалууда.
