Улуттук банк тарабынан сунушталган токтомдун долбоору пакеттик клиринг системасынын (СПК) ишин жакшыртууну көздөйт. Бул система көбүнчө майда чектеги розницалык жана туруктуу төлөмдөрдү иштетүү үчүн колдонулат.
Төлөмдөрдү токтотуунун себептери
Документке ылайык, банктардын же башка финансылык мекемелердин системадагы катышуусу төмөнкү учурларда убактылуу токтотулушу мүмкүн:
- төлөм системасынын иштөө эрежелерин бузуу
- Улуттук банктын ченемдик талаптарын сактабай коюу
- келишимдер боюнча милдеттенмелерди аткаруусуз калуу
- система оператору сураган маалыматтарды өз убагында бербөө
Эгерде банк убактылуу четтетилсе, анын төлөм документтерин иштетүү токтотулат, бирок системага катышуу тууралуу келишим өз күчүндө калат. Оператор мындай чечим кабыл алынган күнү эле себептери жана мөөнөтү жөнүндө финансылык уюмга билдирүүгө тийиш.
Толугу менен чыгаруу
Финансылык уюмдардын системадагы катышуусун толугу менен токтотуу үчүн алардын белгиленген талаптарга жооп бербегендиги негиз болуп эсептелет.
