Зордук-зомбулук физикалык таасир менен гана чектелбейт. Республикалык ден соолукту чыңдоо борборунун адистери анын формаларына сөгүүлөр, коркутуулар, финансылык чектөөлөр, ошондой эле каалаган эмес сексуалдык аракеттерге мажбурлоо кирерин белгилешти.
Зордук-зомбулуктун түрлөрү жана коркунуч белгилери
Дүйнөлүк саламаттык сактоо уюму (ДССУ) зордук-зомбулукту денеге жаракат, психологиялык травма же башка зыян келтириши мүмкүн болгон дене күчүн же бийликти атайылап колдонуу деп аныктайт.
Зордук-зомбулук кандай көрүнөт
- Физикалык: денеге залал келтирүү, сабоо, түртүү, чаап-тепүү.
- Психологиялык: коркутуу, шантаж, сөгүү, көзөмөл.
- Экономикалык: финансылык колдоодон ажыратуу, иштөөгө же окууга тыюу салуу, чыгымдарды толук көзөмөлдөө.
- Сексуалдык: күч, коркутуу же алдоо менен сексуалдык мамилелерге мажбурлоо.
