Будапештте Дунай дарыясынын суусу ушунчалык төмөндөп кеткендиктен, Маргит көпүрөсүнүн пайдубалы толугу менен көрүнүп калганын Euronews басылмасы билдирди.
Дарыянын түштүк бөлүгүндө, Мохач шаарынын жанында, Экинчи Дүйнөлүк согуш маалында чөгүп кеткен кеменин корпусу суудан чыгып калган. Суунун тайыз жерлери көп болгондуктан, кеме каттамына чектөөлөр киргизилген.
Абалды эң оор жер Бая шаарынын айланасында болгон. Ал жерде Шуговица дарыясынын айрым куймалары дээрлик толугу менен кургап, жергиликтүү экосистемага олуттуу зыян келтирген.
Эң оор күндөрдө суунун тереңдиги болгону 14 сантиметрди түзгөн, бул мурунку антирекорддон эки эсеге аз.
Абонинин айтымында, акыркы 125 жыл ичинде Дунай дарыясынын суу деңгээли бир метрден төмөн 21 жолу түшкөн. Мунун 14 учуру акыркы 25 жылга туура келет.
Эксперт: «Бул окумуштуулардын көптөн бери эскертип келген нерсесин ырастайт: Дунайда суунун деңгээлинин төмөндөө мезгилдери барган сайын тез-тез болуп, узакка созулуп, мурункудан да төмөн деңгээлге жетип жатат», — деп белгилеген.
Абонинин түшүндүрүшү боюнча, мурда жаан-чачын жетишсиз болгондо, Дунайдын суу деңгээлин Альп тоолорунан эриген кардын агымы колдоп турган. Бирок глобалдык жылуулуктан улам Альп мөңгүлөрү кыйла артка чегинип, суу запастары азайган.
Адис дарыядагы суунун деңгээлин тез арада калыбына келтирүү мүмкүн эмес экенин кошумчалаган.
