Мамлекеттик бажы кызматында К-К-Ө темир жолун куруп жатканда бажы башкаруусун координациялоо жана оптималдаштыруу боюнча жумушчу жолугушуу өттү. Топтомдорду каттоо процесси жана «Торугарт» менен «Иркештам» өткөрүү пункттериндеги кызматкерлерди трансфер түзүү маселелери талкууланды. Натыйжада тараптар кызматташууга даяр экенин ырасташты.
Бажы кызматкерлери товарларды каттоо тартиби боюнча түшүндүрмөлөрдү берип, бажы операцияларын ыкчам жүргүзүү үчүн аймактык бажы органдарынын жооптуу кызматкерлерин белгилөө жөнүндө макулдашты.
Ошондой эле, "Кытай–Кыргызстан–Өзбекстан темир жол компаниясы" ЖЧКсынын кызматкерлеринин «Торугарт» жана «Иркештам» өткөрүү пункттери аркылуу лицензияланган транспорттук компаниялардын катышуусунда борборлоштурулган трансферин уюштуруу зарылдыгы белгиленди.
Бул чаралар уруксатсыз жүргүнчүлөрдү ташуучу кызматтардын колдонулушунан качканга, тобокелдиктерди азайтууга жана ЕАЭБ бажы чегинен өтүүдө жеке коопсуздукту камсыз кылууга багытталган.
Жыйынтыгында, товарлардын үзгүлтүксүз айлануусун жана натыйжалуу иштешин камсыз кылуу максатында кызматташууга даяр экени тастыкталды.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
