Кыргыз Республикасынын өкмөтү жалпы механизмди түзүү боюнча жобо долбоорун коомдук талкууга чыгарды. Бул механизм санариптик транспорттук жана соода документтеринин алмашуусуна жана өз ара таанылышына багытталган.
Система кыргыз жана чет элдик маалыматтык тутумдардын ортосунда юридикалык жактан маанилүү электрондук алмашууну камсыздайт. Ал аркылуу электрондук транспорттук накладнойлор, эсеп-фактуралар, товарлардын келип чыккан сертификаттары, фитосанитардык жана ветеринардык документтер, пактизациялык листтер жана башка тышкы соодага байланыштуу документтер өткөрүлөт.
Жобого ылайык, системанын борбордук оператору катары «Тундук» ачык акционердик коомун аныктоо сунушталууда. Компания 2027-жылдын 31-декабрына чейин тиешелүү инфратүзүмдү түзүп, ишке киргизиши керек.
Мыйзам долбоорунун негиздемесинде жаңы механизм экспорт-импорт операцияларын жеделдетип, ишкердик чыгымдарын кыскартары жана кагаздык документтердин көлөмүн азайтары көрсөтүлгөн. Азыркы учурда ар бир жаңы түрдөгү документ үчүн өзүнчө өз ара аракеттенүү тартиби иштелип чыгат.
Долбоор электрондук колтомдордун өз ара таанылышын, документтердин жеткирилгенин тастыктоону, алмашуунун тарыхын сактоону жана чет элдик системаларды туташтырууну карайт. Республикалык бюджеттен кошумча чыгымдар талап кылынбайт.
Эгер постановление кабыл алынса, ал расмий жарыяланган күндөн тартып 15 күн өткөн соң күчүнө кирет.
