Кыргыз улуттук маалымат агенттиги “Кабар” билдиргендей, Бахрейн Падышалыгынын өкүлү, Gulf университетинин профессору Ахмед Тавальби дүйнөлүк маалыматтык мейкиндиктеги тез өзгөрүүлөр шартында эл аралык медиа форумдун өзгөчө маанисин белгиледи.
Анын айтымында, мындай аянтчалар ар кайсы өлкөлөрдүн өкүлдөрүнө бири-бирин жакшыраак түшүнүүгө, тажрыйба алмашууга жана актуалдуу чакырыктарга биргелешип жооп издөөгө мүмкүнчүлүк бергендиктен, бүгүнкү күндө өзгөчө суроо-талапка ээ.
Профессор ошондой эле Бахрейндеги Gulf университетинде медиа тармагында профессор болуп иштээрин айтты. Анын айтымында, университет Россия менен маданий байланыштарды өнүктүрүүгө көңүл буруп, ал жерде орус тилин үйрөтүүчү Орус борбору ачылган.
«Менин форумга келишим эл аралык кызматташтыкты жана кесиптик диалогду өнүктүрүүгө болгон кызыгууну ырастайт», — деди профессор.
