Маалыматтык чакырыктардын өсүп жаткандыгына байланыштуу, Салкын Сарногоева «Кабар» агенттигине берген маегинде ШКУ өлкөлөрүнүн ЖМК форумунда медиа коомчулуктун аракеттерин бириктирүүнүн маанилүүлүгүн айтты.

Бүгүнкү иш-чара ШКУга мүчө өлкөлөрдүн ЖМК өкүлдөрү диалогго активдүү катышып, өз ара аракеттенүүнүн натыйжалуу механизмдерин биргелешип иштеп чыгуусуна багытталган. Бүткүл дүйнөдө маалыматтык чабуулдар, дезинформация жана жалган маалыматтар таралып жаткан шартта мындай аянтчалардын мааниси өзгөчө жогорулайт.
Салкын Сарногоева

Анын айтымында, форум тажрыйба алмашууга жана массалык маалымат каражаттарынын ишинде жаңы ыкмаларды издөөгө шарт түзөт. Ошондой эле министрдин орун басары ШКУ миллиарддаган аудиторияны бириктирерин жана бул потенциалды кызматташтыкты өнүктүрүү үчүн колдонуу керектигин белгиледи.

Уюм өлкөлөр ортосундагы өз ара аракеттенүүнү бекемдеп жана тереңдетип жатат, бул процессте массалык маалымат каражаттары маанилүү ролду ойнойт.
Салкын Сарногоева

Ал медиа кызматташтыгын өнүктүрүү ШКУга мүчө мамлекеттердин ортосундагы байланыштарды мындан ары бекемдөөнүн маанилүү багыттарынын бири болорун кошумчалады.