Адил Сейфуллиндин айтымында, заманбап медиа чөйрө санариптик технологиялардын жана жасалма интеллекттин таасири астында терең өзгөрүүлөрдү башынан кечирүүдө. Ушул шартта маалымат аудиторияга жөн гана жеткирилбестен, ишенимди, коомдук пикирди жана мамлекеттердин, бизнестин, адамдардын кабылдоосун калыптандырат.
Qazcontent жетекчиси ШКУ саясий, экономикалык жана гуманитардык өз ара аракеттенүү аянты гана эмес, ошондой эле чоң маалыматтык мейкиндик экенин белгиледи. Бул мейкиндикте өлкөлөр өз ара түшүнүшүүнү бекемдеп, биргелешкен жетишкендиктер жөнүндө айтып, маалыматтык коркунучтарга чогуу каршы турушу керек.
Сейфуллин Казакстан жасалма интеллект тармагын кошо алганда, санариптик күн тартибин активдүү өнүктүрүп жатканын айтты. Анын сөзүнө караганда, жаңы технологиялар маалыматты издөөдөн жана талдоодон тартып, контент түзүүгө, материалдарды которууга, визуалдаштырууга чейин медианын ишин өзгөртүүдө.
Форумда ошондой эле Белоруссиянын телеграф агенттигинин (БелТА) башкы директору Андрей Мохор да ШКУ өлкөлөрү бирдиктүү маалымат мейкиндигине муктаж экенин билдирген.
