Кытайдын Төрагасы Си Цзиньпиндин Кыргыз Республикасына мамлекеттик сапары жана Шанхай Кызматташтык Уюмунун саммитине катышуусу пландалууда. Тышкы иштер министри Жээнбек Кулубаев бул маалыматты Кытайдын тышкы иштер министри Ван И менен жолугушууда жарыялады.
Бул жолугушуу өткөн жуманын аягында, Ван И Кыргызстанда расмий сапар менен жүргөндө Чолпон-Ата шаарында болуп өткөн.
Тышкы иштер министринин айтымында, акыркы жылдары Кыргызстан менен Кытайдын ортосундагы мамилелер теңдик, өз ара урматтоо жана бири-биринин кызыкчылыктарын эске алуу принциптеринин негизинде туруктуу өсүштү көрсөтүүдө.
Мамлекет башчылары катыша турган ШКУ саммити 31-августтан 1-сентябрга чейин өткөрүлөт.
