Талас шаарынын мэриясы социалдык тармактарда "Баатырлар" паркындагы аттракциондордун бузулгандыгы тууралуу тараган маалымат чындыкка дал келбей турганын билдирди. Муниципалитеттен кабарлашкандай, бардык аттракциондор керектүү техникалык текшерүүлөрдөн жана коопсуздук сыноолорунан өтүп, учурда штаттык режимде иштеп жатат.
Заманбап аттракциондор "Баатырлар" паркынын реконструкцияланышынын алкагында колдонууга берилген.
Паркты оңдоп-түзөө
Паркты жаңылоо Президент Садыр Жапаровдун колдоосу менен ишке ашканы белгиленет. Реконструкциядан кийин парк шаар тургундары, жаштар жана үй-бүлөлүк эс алуу үчүн заманбап коомдук жайга айланды.
Талас шаардык мэриясы жарандарды расмий маалымат булактарына гана ишенүүгө жана такталбаган билдирүүлөрдү таратпоого чакырды.
