Президент Садыр Жапаров 2026-жылдын 25-июлунда Нарын облусундагы Балыкчы—Кочкор темир жолунун жана Кочкор станциясынын ачылыш аземине катышты. Бул тууралуу президенттин Администрациясы билдирди.
Мамлекет башчысы Кочкор станциясына поезд менен келип, жаңы темир жол каттамын жеке өзү текшерип, аткарылган иштердин сапатына баа берди. Андан соң ал жаңы станциянын имаратын көрүп, анын инфраструктурасы менен таанышты.
Тарыхый окуя
Андан кийин сүйлөгөн сөзүндө Садыр Жапаров бул күн эгемен Кыргызстандын тарыхында дагы бир маанилүү этап катары калаарын белгиледи.
